RRETH NESH
IGS Resources Shpk (iPlast), është sinonim i cilësisë, inovacionit dhe qëndrueshmërisë në prodhimin e Tubave Plastikë HDPE dhe Tuba të Brinjëzuar (Korrugato). Me qendër në Elbasan, ne prodhojmë tuba për Ujë të Pijshëm Ø20 deri në Ø630 mm me presione deri në 32 bars, si dhe Tuba të Brinjëzuar për Kanalizime dhe Kullime nga Ø110 deri në Ø1000 mm, në klasat SN4, SN8, SN10, SN12 dhe SN16.
Çdo produkt i yni është rezultat i përvojës shumëvjeçare, kontrollit rigoroz të cilësisë dhe teknologjisë së avancuar të prodhimit.
Cilësia dhe Besueshmëria
Në iPlast, cilësia nuk është vetëm një standard – është parimi mbi të cilin ndërtojmë çdo produkt.
Ne përdorim lëndë të para të certifikuara, të testuara në laboratorin tonë modern, ku çdo serë prodhimi kontrollohet para, gjatë dhe pas procesit.
Kjo siguron që çdo metër tub që del nga linjat tona të ketë cilësi të qëndrueshme dhe jetëgjatësi të lartë.
Për çdo produkt, ofrohet garanci e plotë, e mbështetur në standardet ndërkombëtare dhe testimet laboratorike që dokumentohen për çdo seri prodhimi.
Kjo garanci mbulon rezistencën mekanike, qëndrueshmërinë ndaj presionit, densitetin dhe integritetin e strukturës, duke u dhënë klientëve tanë siguri dhe besim afatgjatë në përdorim.
Gjurmueshmëria dhe Kontrolli i Prodhimit
Gjurmueshmëria është një nga shtyllat kryesore të sistemit tonë të menaxhimit të cilësisë.
Ne sigurojmë që çdo produkt të mund të ndiqet në çdo fazë të procesit të tij — nga përzgjedhja e lëndës së parë, tek prodhimi, testimi dhe dërgimi te klienti.
Kjo qasje garanton transparencë të plotë, kontroll të qëndrueshëm të cilësisë dhe përgjegjësi të lartë në çdo hap.
Falë këtij sistemi, klientët tanë mund të kenë besim të plotë se produktet iPlast janë të prodhuara sipas standardeve më të rrepta dhe janë të dokumentuara në çdo detaj teknik.
Brochure
Français 
Shqip 
English 
Italiano 
Ελληνικά